Macron e konsideron krim lufte sulmin në qendrën tregtare në Ukrainë

Presidenti francez, Emmanuel Macron deklaroi se sulmi me raketa nga ana e Rusisë në një qendër tregtare në qytetin Kremenchuck të Ukrainës, është një krim lufte.

Macron u shpreh pas përfundimit të takimit të liderëve të G7-s në Gjermani, se Rusia nuk duhet ta fitojë luftën dhe u zotua për më shumë mbështetje për Ukrainën, shkruan BBC.

Sipas tij, agresioni i Rusisë ka një qëllim, që është dorëzimi i Ukrainës.

Macron theksoi se askush nuk mund ta parashikojë se kur do të përfundojë lufta, megjithatë, ai shpreson se mund të mbarojë në fund të këtij viti.

Më shumë se 1 mijë njerëz ndodheshin në qendrën tregtare në Kremenchuck, e cila u vu në shënjestër të një sulmi ajror nga forcat ruse të hënën.

Shërbimi Shtetëror i Emergjencave të Ukrainës tha gjatë natës se 18 persona tani janë konfirmuar të vdekur.

LEXONI GJITHASHTU

• Kancelari Scholz: Rusia nuk duhet ta fitojë luftën në Ukrainë
• Rusia është bërë grupi më i madh terrorist në botë, thotë Zelensky