Tritol automjetit të Drejtoreshës së DSHP-së në Shkodër

Një lëndë eksplovize iu vendos automjetit të Drejtoreshës së Drejtorisë së Shëndetit Publik Shkodër, Suida Kuka pasditen e së premtes.

Automjeti i saj, tip “Range Rover”, ndodhej në lagjen “Vojo Kushi” në momentin e shpërthimit.

Një alarm për bombë ka mbërritur pasditen e së premtes në Drejtorinë Vendore të Policisë Shkodër.

Në vendin ku u konstatua pakoja e mbyllur erdhi njësia antieksploziv e RENEA-s, e cila bëri shpërthim të kontrolluar të pakos, brenda së cilës rezultoi se kishte lëndë eksplozive.

Grupi hetimor, nën drejtimin e Prokurorisë pranë Gjykatës së Rrethit Gjyqësor Shkodër, vijon veprimet për zbardhjen e rrethanave të ngjarjes, identifikimin dhe kapjen e autorit.

LEXONI GJITHASHTU

• Kërcënime për bombë në disa shkolla në veri të Kosovës
• VIDEO l Tritol makinës në rrugën Sauk-TEG, humb jetën 27-vjeçari