Kriza energjetike, disa shtete të gatshme të rikthejnë termocentralet me qymyr

Austria po përgatitet të rihapë këtë termocentral me qymyr. I mbyllur në vitin 2020, ai mund të rikthehet në shërbim për të përballuar rrezikun e ndërprerjes së furnizimeve me gaz rus për shkak të luftës në Ukrainë dhe sanksioneve të vendosura nga Bashkimi Evropian.

“Ne po përgatitemi për faktin se nuk do të kemi më të njëjtën siguri të gazit me të cilën jemi mësuar vitet dhe dekadat e fundit. Do të kërkohet çdo kontribut që mund të përdoret për të zëvendësuar përdorimin e gazit. Qymyri është një mundësi e veçantë, dhe mund të ndihmojë në uljen e konsumit të gazit”, u shpreh Christof Kurzmann-Friedl, menaxher në termocentralin e qymyrit.

Austria nuk është i vetmi shtet anëtar që përgatitet të rifillojë termocentralet e saj me qymyr.

Gjermania dhe Franca kanë bërë njoftime të ngjashme, duke rrezikuar objektivin e BE-së për të reduktuar emetimet e gazrave serrë me të paktën 55% deri në vitin 2030. Konflikti në Ukrainë dhe pasojat e tij ekonomike dhe energjetike duket se kërcënojnë ambicien klimatike të BE-së.

“Është mjaft tronditëse që po e lejojmë veten të kthehemi mbrapa, të kemi termocentrale, të rihapim termocentrale që janë dy herë më ndotëse se qendrat e benzinës, ne po ia lejojmë vetes në vend që të lutemi për ulje të konsumit, për shembull duke kryer fushata publike siç kemi bërë në të kaluarën”, tha Geneviève Pons, Drejtore e Përgjithshme e Institutit Europe Jacques Delors.

Për ambientalistët, lufta në Ukrainë nuk duhet të përdoret si justifikim për të vënë në pikëpyetje Paktin e Gjelbër.

Përkundrazi, duhet t’i shtyjë shtetet anëtare të veprojnë më shpejt. Pavarësisht boshllëqeve 27 vendet anëtare të BE do të duhet të vazhdojnë tranzicionin nëse duan të përmbushin angazhimet e tyre.

Prandaj, zgjedhjet e sotme duhet të përcaktojnë shkallën e përshpejtimit që do të nevojitet nga tani deri në vitin 2030 për të arritur neutralitetin e karbonit në vitin 2050.

LEXONI GJITHASHTU:

• Mozaiku romak i gjetur pranë Tel Avivit kthehet në shtëpi
• Një nënë në Miçigan akuzohet për vrasjen e të birit, trupi u gjet në frigorifer
• ‘Shtet terrorist’, Zelenski kërkon dëbimin e Rusisë nga Kombet e Bashkuara