Sot seanca e Kuvendit, diskutohet kompensimi financiar i ndërtuesve

Kuvendi do të mblidhet sot në seancë Parlamentare.

Në rendin e ditës është miratimi i aktit normativ për kompensimin financiar të ndërtuesve.

Ky akt synon të ndihmojë kompanitë që kanë marrë përsipër ndërtimin e veprave publike duke i kompensuar për rritjen e çmimeve të disa materialeve. Vendimi është kundërshtuar nga opozita në komisionet parlamentare.

Pavarësisht se ka vetëm një pikë në rendin e ditës së Kuvendit, priten edhe debate politike për çështje të ndryshme. Nuk dihet sa do të jetë kohëzgjatja duke qenë se kjo varet nga lista e deputetëve të pranishëm.

Kujtojmë se kryeministri Rama nuk do të marrë pjesë në seancën e sotme pasi ndodhet në Spanjë për samitin e NATO-s, ndërsa kreu i PD-së, Sali Berisha pritet të ngjitet në foltore për të mbajtur fjalën e tij.