Skocezët të ndarë për referendumin për pavarësi nga Mbretëria e Bashkuar

Votuesit në Skoci janë të ndarë pothuajse në mënyrë të barabartë, nëse mbështesin referendumin për pavarësi nga Mbretëria e Bashkuar, sipas një sondazhi.

Sondazhi i Panelbasem ku u pyetën  tregoi se 48% e të anketuarve ishin në favor të pavarësisë, 47% ishin kundër dhe 5% nuk ​​dinin si të përgjigjeshin, shkruan Reuters.

Rezultatet u bazuan në një mostër prej 1010 personash. Ndërsa, në një sondazh të mëparshëm online të Panelbase, zhvilluar në muajin prill, 47% ishin shprehur pro dhe 49% kundër.

Javën e kaluar, kryeminstrja skoceze, Nicola Sturgeon tha se po planifikon mbajtjen e një referendumi të dytë, në të cilët qytetarët do të pyeten, nëse duan pavarësi nga Mbretëria e Bashkuar.

Ajo pritet të parashtrojë planin e saj për mbajtjen e një votimi të ligjshëm në tetor të vitit të ardhshëm.

Por kryeministri i Mbretërisë së Bashkuar Boris Johnson dhe Partia e tij Konservatore, e cila është në opozitë në Skoci, kundërshtojnë çdo votim të tillë.

Sipas tyre, çështja u zgjidh në vitin 2014- kur 55 për qind e skocezëve votuan kundër daljes nga Mbretëria e Bashkuar.

LEXONI GJITHASHTU

• Skocia planifikon mbajtjen e referendumit për pavarësi nga Mbretëria e Bashkuar
• Johnson nën presion pas humbjes katastrofike të konservatorëve në dy rajone