Serie-A, Interi rikthehet te fitorja, Gjimshiti protagonist me Atlantën

Inter arriti të merrte maksimumin në takimin e javës së 25-të me Sampdroian në Serie-A.

Zikaltrit triumfuan 2-1 në takimin e parë të kampionatit italia, pas rikthimit të aktivitetit, duke treguar se nuk do të dorëzohen deri në fund në luftën për titullin kampion.

Skuadra e Antonio Contes e gjeti golin që në minutën e 10-të, me Romelu Lukakun që nuk gaboi pas kombinimit me Eriksen. Sulmuesi shënoi golin e 18-të këtë sezon.

Lautaro Martinez dyfishoi pak pasi ishte mbushur gjysmë ore lojë, duke i dhënë skuadrës së tij sigurinë që para se të mbyllje pjesa e parë.

Në pjesën e dytë Sampdoria ngushtoi rezultatin me Morten Thorsby, por nuk pati surpriza deri në fund.

Pas këtij suksesi Interi shkon në kuotën e 57 pikëve, 6 më pak se Juventusi i vendit të parë. 

Në takimin tjetër të së dielës, Atalanta mundi me rezultatin 4-1 Sassuolon. Gjurmë në këtë sukses la dhe mbrojtësi i kombëtares shqiptare Berat Gjimshiti, i cili shënoi golin e parë të takimit, që i hapi udhë suksesit të skuadrës nga Bergamo.

Ndeshja e radhës për Interin do të jetë kundër Sassuolos, ndërsa për Atalantën do të jetë kundër Lazios së vendit të dytë.

Lexoni gjithashtu:

La Liga, Real Madrid merr kryesimin pas ndalesës së Barcelonës kundër Sevillas

Premier League, Liverpool një hap larg titullit pavarësisht barazimit me Evertonin në derbi