Ish-kryeministri i Japonisë përcillet në banesën e fundit më 12 korrik

Homazhe u zhvilluan në të gjithë vendin ndërsa japonezët dhe qeveritë në mbarë botën  shprehën pikëllim dhe solidaritet me Japoninë për humbjen e Shinzo Abe, i cili ishte lideri më jetëgjatë i Japonisë përpara se të largohej në vitin 2020 për arsye shëndetësore.

India dhe Nepali shpallin zi kombëtare njëditore në shenjë respekti. Funerali për ish-kryeministrin japonez Shinzo Abe, i cili u qëllua për vdekje një ditë më parë  gjatë një fjalimi në fushatë, është caktuar të martën, më 12 korrik.

Një makinë që mbante trupin e Shinzo Abe të shtunën në mëngjes mbërriti në shtëpinë e ish-kryeministrit japonez.

Njerëzit qëndruan në radhë për të bërë nderime në vendin  ku Abe  u qëllua.

“Ai ka kontribuar dhe mund të kishte kontribuar shumë më tepër për vendin. Kjo do të jetë një humbje e madhe për Japoninë’ shprehet një qytetar.

Një tjetër banor theksoi se  është e pabesueshme të shohësh një sulm të tillë në një Japoni shumë të sigurt.

Josep Borell, shefi i politikës së jashtme të Bashkimit Evropian  po ashtu shprehu solidaritetin e tij duke nënvizuar se të gjithë  ishin të gjithë të tronditur. ‘Abe ishte ministri më i gjatë i Japonisë, një mik i mirë i Evropës. Ai kontribuoi shumë në miqësinë midis Japonisë dhe Bashkimit Evropian,  në përparimin dhe stabilitetin e botës, tha Borrell.

Biden vizitoi ambasadorin japonez, duke nënshkruar në librin e ngushëllimeve. Ai shprehu keqardhje për ndarjen nga jeta të zyrtarit të lartë.

Një minutë heshtje në nder të tij do të mbahet edhe në seancën e Këshillit të Sigurimit në OKB.

LEXONI GJITHASHTU:

• Arrestohet i dyshuari për vrasjen e ish-kryeministrit japonez, Shinzo Abe