Perëndimi dështoi të izolonte Rusinë në G20, thotë ministria e Jashtme ruse

Vendet perëndimore nuk arritën të bojkotojnë Rusinë në takimin e G-20-ës, të zvhilluar në Indonezi, ku u mblodhën Ministrat e Jashtëm.

Kështu u shpreh zëdhënësja e Ministrisë së Punëve të Jashtme ruse, Maria Zakharova pasi në këtë takim u kritikua ashpër pushtimi rus në Ukrainë.

“Plani i vendeve të G7-s për të bojkotuar Rusinë në G20 dështoi. Askush nuk i mbështeti regjimet perëndimore”, shkroi Zakharova në Telegram.

Zakharova mohoi gjithashtu që ministri i Jashtëm rus, Sergej Lavrov bojkotoi takimet gjatë samitit të G20 në Bali.

Pjesëmarrësit thanë se ministri rus u largua nga disa seanca duke kritikuar ndërhyrjen ushtarake të Moskës në Ukrainë.

LEXONI GJITHASHTU

• Lavrov nuk do të takohet me Blinken në Samitin e G20-ës
• Lavrov në Vietnam, ministri rus tur aziatik për të dalë nga izolimi diplomatik