Përgjimi i Vuçiç ishte planifikuar, sipas ministrit serb

Ministri serb i Mbrojtjes, Aleksandër Vulin deklaroi se përgjimi i presidentit Aleksandër Vuçiç ka qenë i planifikuar dhe ka pasur qëllime të këqija.

Vulin tha se ministria ia ka dorëzuar prokurorisë  rastin me të gjitha provat dhe shtoi se është marrë në pyetje edhe ish-sekretarja e shtetit Dijana Hrkaloviç, shkruan Euronews Serbia.

“Deklarata e saj është dorëzuar në prokurorinë kompetente dhe tani presim reagimin e tyre”, ka thënë ai.

Vulin theksoi se presidenti Vuçiç nuk i përgjigjet askujt përveç serbëve dhe se ai është i vetmi burrë shteti në Evropë që tha se Serbia nuk do të jetë kurrë anëtare e NATO-s.

Në fund të 2020-ës, Vuçiç tha se është përgjuar nga shërbimet sekrete serbe dhe se autoritetet do të përcaktojnë nëse kanë patur apo jo lidhje me ato të huaja.

“Mendoj se e di kush qëndron pas saj, por nuk do të doja ta thoja publikisht. Përgjimi i Presidentit të shtetit është një përpjekje e drejtpërdrejtë për një grusht shteti”, u shpreh ai asokohe.

LEXONI GJITHASHTU

• Maqedonia e Veriut nuk duhet ta refuzojë propozimin francez, thotë Vuçiç
• Vuçiç: Nuk nënshkruajmë asnjë marrëveshje për njohje me Kosovën