Premier League, Manchester City fiton bindshëm dhe i shtyn festën e titullit Liverpoolit

Manchester City mposhti 5-0 skuadrën e Burnley-it mbrëmjen e së hënës duke bërë që Liverpooli të shtyjë të paktën edhe me disa ditë festën e shpalljes kampion.

Në Etihad Stadium ndeshja u zhbllokua nga talenti anglez Phil Foden që në minutën 22’-të. Më pas dy gola u shënuan në fund të pjesës së parë nga algjeriani Mahrez.

Me shifrat 3-0, loja ishte praktikisht e mbyllur, mirëpo në pjesën e dytë City gjeti vend edhe për dy realizime të tjera, të cilat mbajtën për autorësi David Silvan dhe sërish Fodenin.

Për blutë e Guardiolës, kjo ishte fitorja e 20-të për këtë sezon – 7 më pak se Liverpooli, – çka e mban City-in në vendin e dytë në kampionat me 63 pikë, 20 më pak se të kuqtë e Jurgen Klopp.

Kur kanë mbetur edhe 8 ndeshje pa luajtur, situata duket vështirë për t’u përmbysur.

Liverpooli, 18 herë kampion Anglie, nuk fiton kampionatin prej rreth 30 vitesh, ndërsa City 6 herë kampione e fitoi atë vitin që shkoi me një duel të jashtëzakonshëm me të kuqtë e Klopp.

Skuadrat e mbyllën me diferencë vetëm 1 pikë, 98 City, 97 Liverpooli, çka ishte rekord historik për futbollin anglez, pasi kurrë më parë skuadra e vendit të dytë nuk kishte marrë kaq shumë pikë.

Lexoni gjithashtu:

Serie-A, Juventus rikthehet te suksesi, Ronaldo e Dybala vendosin fatin e bardhezinjve në Bologna

Premier League, Liverpool një hap larg titullit pavarësisht barazimit me Evertonin në derbi