Gjobitet kryeministri bullgar, theu rregullin që kishte vendosur vetë

Kryeministri i Bullgarisë Boiko Borissov do të gjobitet pasi ka hyrë pa maskë në një kishë të vendit.

Sipas rregullave të vendosura nga qeveria e tij, Borissov, stafi shoqërues dhe disa gazetarë do të përballen me gjobë deri në 150 €.

Përdorimi i detyrueshëm i maskave  në hapësirat publike u rikthye të martën në Bullgari për shkak të rritjes së rasteve me coronavirus.

Drejtuesi konservator 61-vjeçar nuk ka pranuar të mbajë maskë që nga fillimi i pandemisë. Bullgaria, e cila kishte vendosur një masë kontrolli që në 8 mars, është  një nga vendet evropiane më pak të prekura nga pandemia.

Sidoqoftë, me heqjen e shpejtë të kufizimeve në fund të majit, kohët e fundit ka pasur një mesatare prej më shumë se 100 infeksione të reja në ditë.