Rënia e statujave ‘raciste’, dhjetëra monumente në botë vandalizohen apo po hiqen nga autoritetet

Një valë zemërimi ka përfshirë protestuesit e lëvizjes “BLACK LIVES MATTER“, dhe tanimë manifestuesit po e drejtojnë vëmendjen e tyre drejt monumenteve të kulturës që i lidhin me luftën kundër diskriminimit dhe urrejtjes raciale.

Objekte të kulturës të lidhura me racizmin dhe diskriminimin përreth globit po shënjestohen dhe sulmohen nga protestuesit e ‘Black Lives Matter’, me synim përmbysjen e hegjemonisë raciste. 

Në Charleston të Karolinës së Jugut, ekipe pune janë angazhuar këtë të mërkure për të hequr statujën e ish-Zëvendës Presidentit të SHBA John C. Calhoun pasi ishte mbrojtës i njohur i skllavërisë. Në Madison të Wisconsin, demonstruesit rrëzuan dy statuja – edhe pse lidhjet e tyre me të një të kaluar diskriminuese mbetet ende e diskutueshme.

Statuja e gazetarit të famshëm Indro Montanelli është lyer me të kuqe dhe në të janë vendosur fjalët “racist” dhe “përdhunues” dhe po ashtu është firmosur një një peticion që kërkon heqjen e  tij e monumentit. Ndërsa shërbeu në ushtri në 1935-1936, gjatë luftës së Italisë në Eritrea, Montanelli 26-vjeçar bleu dhe u martua me një vajzë 12-vjeçare dhe për këtë arsye protestues në Itali e lidhin figurën e tij me kauzën e diskriminimit.

Vandalizimet mbi këto monumente arti vijnë në vazhdën e vrasjes së afro amerikanit George Floyd nga një oficer policie. Ngjarja nxiti shumë protesta dhe jë fenomen i përbashkët i tyre është kërkesa më ngulm e heqjes së statujave që lavdërojnë figura, reputacioni i të cilave u ndërtuan në shtypjen e popujve të tjerë nga të bardhët dhe ngufatjen e kulturave indigjene.