Von der Leyen dhe Varhelyi takojnë Vuçiçin: Thelbësor dialogu me Kosovën
“Dialogu me Prishtinën është thelbësor,” – ky ka qenë mesazhi që ka përcjellë Brukseli zyrtar pas takimeve që Presidenti serb Aleksandar Vuçiç zhvilloi të premten me Presidenten e Komisionit Evropian, Ursula von der Leyen dhe eurokomisionerin përgjegjës për zgjerimin dhe fqinjësinë e mirë, Oliver Varhelyi.
Von der Leyen komentoi në Twitter pas takimit se “pas zgjedhjeve të përgjithshme në Serbi” nevojitet “një dialog i gjerë me partitë politike për të vazhduar më tej reformat e cila e çojnë Serbinë më afër drejt BE-së”.
“Dialogu me Kosovën është kyç,” – theksoi Von der Leyen teksa shtoi se BE-ja do ta mbështesë Serbinë në rimëkëmbjen ekonomike.
Gjithashtu përmes një postimi në Twitter, Varhelyi tha se “dialogu me Kosovën është kyç” për “bashkëpunimin rajonal”.
“Folëm për agjendën e reformave dhe mbështetjes për rrugëtimin drejt Bashkimit Evropian. Ne do të vazhdojmë ta mbështesim Serbinë në rimëkëmbjen ekonomike pas pasojave të krizës së COVID-19,” shkroi Varhelyi teksa theksoi se “bashkëpunimi rajonal mbetet thelbësor dhe dialogu me Prishtinën kyç”.
Presidenti Vuçiç ndodhet në Bruksel, ku të premten ka zhvilluar takime të njëpasnjëshme me Presidenten e KE-së von der Leyen, eurokomisionerin Varhelyi dhe përfaqësuesin e BE-së, për dialogun Kosovë-Serbi, Miroslav Lajcak.
Takimet u zhvilluan në kuadër të lëvizjeve politike që ishin ndërmarrë edhe me ndërmjetësim të Shteteve të Bashkuara për të rinisur dialogun me Kosovën, çështje e cila aktualisht ka mbetur në diskutim pas akuzave të ngritura nga Gjykata Speciale e Hagës kundër Presidentit Hashim Thaçi.
Thaçi ishte një ndër të ftuarit e SHBA-ve, në takimin që do të zhvillohej mes palëve në Shtëpinë e Bardhë të shtunën.
Lexoni gjithashtu:
Franca dhe Gjermania gati për rinisjen e dialogut Kosovë-Serbi në Paris
BE për situatën në Kosovë: Ne lehtësojmë dialogun, por nuk diktojmë bashkëbiseduesit
Dialogu Kosovë-Serbi, shefi i politikës së jashtme në BE Josep Borrell: S’jemi në garë me Amerikën
Kryefaqja
Macron: Fitorja e Magyar shënon fillimin e një epoke të re në Hungari
Asambleja e Përgjithshme e OKB-së voton 5 anëtarët e rinj jo të përhershëm të Këshillit të Sigurimit
Rreth 90 serbë dëbohen nga aeroporti i Tivatit, policia malazeze i cilëson rrezik për sigurinë
- 07:18 SHBA njofton armëpushim të ri mes Izraelit dhe Libanit, kusht ndalimi i sulmeve të Hezbollahut
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet