Mbyllet festivali i folkut në Tiranë, Ukraina rrëmben çmimin e parë

Që prej datës 19 korrik, Tirana është gjallëruar nga mbërritja e 10 ansambleve popullore që kanë emocionuar publikun me performancat e tyre për katër netë.

Kulturë, këngë, valle, kostume shumëngjyrshe dhe identifikuese për secilin vend ishte panorama që audienca mori në sheshin Italia.

Ky ishte edicioni i dytë që u mbajt në Tiranë dhe mblodhi 300 artistë nga 10 vende të ndryshme.

Secili prej tyre ekzekutuan në skenë pjesët më të mira repertorit duke sjellë traditën e tyre të veçantë.

Nata finale, përveç performancave u mbyll me çmime për të gjitha grupet pjesëmarrëse, ku çmimi i parë shkoi për Ukrainën. Çmimi i dytë për Sllovakinë dhe i treti shkoi për Rumaninë.

Drejtuesi i Fidaf Albania, Gëzim Alimehmeti tregoi ecurinë e festivalit Internacional Folk Tirana.

“Pritshmëritë ishin maksimale, si në organizim, si në përgëzimet dhe fjalët më të mira që na kanë thënë artistët e ardhura nga e gjithë bota”, tha ai.

Me mbylljen e këtij festivali, drejtuesit kanë nisur të mendojnë për edicionin e tretë që do të mbahet në Tiranë.

Në katër netët kushtuar folklorit, çmimi i audiencës shkoi për grupin arbëresh i cili performoi dasmën arbëreshe në skenë.

Grupet folklorike ishin edhe nga Turqia, Azrebaxhani, Turqia, Buruni, Kili, Greqia, Kili dhe Serbia.

Fidaf Albania sjell Internacional Folk Festival jo vetëm me qëllimin e shkëmbimeve të kulturave, por edhe promovimin e kryeqytetit.

LEXONI GJITHASHTU

• Restaurohet filmi ‘Tana’, hapet rruga për shfaqje në festivale ndërkombëtare
• Nis në Tiranë festivali ndërkombëtar i filmit Travel Fest Albania