Njohja e pensioneve me Italinë, Balla: Pritet firma e dy ministrave italianë

Presidenti i Shoqatës “Diaspora 91-19”, Esat Balla thotë se shqiptarët duhet të jenë të kënaqur nga arritja e marrëveshjes me Italinë për njohjen e pensioneve.

Në një intervistë për “Euronews Albania”, Balla u shpreh se pritet firma e ministrit të Financave dhe atij të Punës në Itali, para ratifikimit në parlamentet përkatëse të dy vendeve.

“Mendoj se shqiptarët duhet të jenë të kënaqur nga kjo marrëveshje. Kanë mbetur dy firma për t’u vënë nga ministrat respektivë të Financave dhe ministri i Punës në Itali. Pastaj do bëhet ratifikimi ndërmjet dy parlamenteve, shqiptare dhe italiane. Më pas, firmat teknike ndërmjet dy institucioneve përkatëse. Ajo që është më kryesorja, asnjë shqiptar nuk do të mbesë i pakënaqur nga kjo marrëveshje. Do të përfitojnë shumë persona’, theksoi ai.,

Shqiptarët që kanë punuar në Itali dhe kanë paguar sigurimet atje, do mund të përfitojnë pension në Shqipëri. Ministritë e Ekonomisë së dy vendeve kanë përfunduar negocimin teknik të marrëveshjes për pensionet.

Rreth 500 mijë persona pritet të përfitojnë, kur marrëveshja të miratohet në parlamentet respektive.

Ky lajm u be i ditur pak dite më pare nga ministrja e Ekonomisë dhe Financave, Delina Ibrahimaj dhe ambasadori i Italisë në vendin tonë, Fabricio Buci.

LEXONI GJITHASHTU

• Çfarë përfitojmë nga marrëveshja e pensioneve me Italinë? Përgjigjet ministrja
• Rama: Shqipëria dhe Italia arrijnë marrëveshjen për njohjen e pensioneve