Baktere, qytetarët në Rimini ndalohen të futen në detin Adriatik

Në një pjesë të bregdetit të Adriatikut në Itali, autoritetet ndaluan qytetarët të futen në det, edhe pse shumë prej tyre nuk e respektuan këtë vendim.

Zyrtarët regjistruan përqendrim të tepërt të baktereve “Escherichia coli” në ujë.

Problemi është shfaqur në bregdetin e rajonit të Emilia-Romagna. Sipas ekspertëve, temperaturat e larta dhe thatësira janë përgjegjëse për përkeqësimin e cilësisë së ujit të detit. Për shkak të thatësirës, ka më pak shkëmbim uji në lumenj, çka mund të sjellë më shumë ndotje në përrenjtë që përfundojnë në det.

Agjencia rajonale e mbrojtjes së mjedisit Arpae ka ndaluar lajren në 28 zona të bregdetit të Adriatikut. Ndalimi do të jetë në fuqi derisa vlerat të kthehen në normalitet.

Sipas ekspertëve të agjencisë, situata është e pazakontë. Ndalimi i larjes në det, shqetëson kryetarët e qyteteve bregdetare, ekonomia e të cilave varet nga stina e verës.

Bashkitë mohojnë të kenë kontribuar në përkeqësimin e gjendjes së ujit, për shembull duke derdhur ujërat e zeza në det.