Videoja që tregon ushtarin ukrainas duke u kastruar ngjall zemërim

Pamjet që duket se tregojnë ushtarët rusë që kapin një të burgosur lufte ukrainas dhe i presin organet gjenitale, kanë shkaktuar zemërim në Ukrainë.

Deputetja ukrainase Inna Sovsun shkroi në Twitter duke thënë se ajo u ndalua pas postimit të videos në platformën e mediave sociale, shkruan SkyNews.

Pasi kishte rifituar aksesin në llogarinë e saj, Sovsun ndau një pamje të postimit të saj origjinal me videon e paqartë.

Ajo kishte shkruar në postimin e saj origjinal në Twitter: “Ushtari rus nga batalioni çeçen Ahmat preu organet gjenitale të robit ukrainas”.

“Kjo është ajo që nazistët po u bëjnë ukrainasve. Rusia duhet të paguajë për këtë! Jepini Ukrainës armët që na duhen për të ndalur njëherë e përgjithmonë këtë makth. Bota nuk mund të pretendojë se kjo nuk po ndodh!”, shkroi deputetja ukrainase.

Sovsun shkroi në një postim vijues të premten: “Twitter e ndaloi profilin tim sot, sepse postova një video ku një ushtar rus tredh një të burgosur ukrainas. Twitter vendosi ta bënte këtë se pamjet ishin shumë mizore. Por ja çfarë ndodh. Dhe fshirja e videos nuk do ta ndryshojë këtë”.

LEXONI GJITHASHTU:

• Rusia akuzon Kievin për bombardimin e burgut ku u vranë 40 ukrainas
• Rusia ‘asfikson’ Gjermaninë, hapat ekstreme që janë marrë deri tani