Clemens Tönnies dorëhiqet si president i Schalke 04

Presidenti i klubit gjerman të Schalke 04, Clemens Tönnies, ka dhënë dorëheqjen nga posti i tij, dorëheqje që u konfirmua nga klubi të martën.

Vendimi erdhi pas problemeve që biznesi i tij pati me pandeminë, si dhe rezultatet e dobëtat të skuadrës.

Në javët e fundit, u numëruan rreth 1,000 persona të infektuar në kompaninë e mishit që zotëron Tönnies, çka solli dhe vendosjen në karantinë të rreth 6,500 personave të tjerë të Gütersloh një qyteti perëndimor në Gjermani, qytet ku është vendosur kompania.

Në anën tjetër, skuadra e Schalkes u pozicionua në vendin e 12-të, duke mbetur jashtë Evrope. Jo vetëm kaq, por ekipi vendosi dhe një rekord negativ, ku në 16 javë nuk mori asnjë fitore.

Tifozët kishin kërkuar që një vit më parë largimin e presidentit, të cilin e konsideruan edhe racist.

Tönnies mori drejtimin e skuadrës në vitin 2001, ndërsa ishte pjesë e bordit drejtues prej 26 vitesh.

Skuadra e Schalkes pritet të marrë mbështetje nga qeveria gjermane, pasi klubi është goditur nga kriza e shkaktuar prej COVID-19.

Lexoni gjithashtu:

Bayern paguan 45 milionë euro, Sané largohet nga Manchester City

La Liga dhe Serie-A, Atletico ndal Barcelonën, Juventus rinis marshimin në krye

Kupa e Afrikës shtyhet për në vitin 2022, anulohet formati i vajzave