Miliarderi ukrainas vritet nga raketat ruse

Një nga biznesmenët më të pasur të Ukrainës është vrarë së bashku me gruan e tij nga raketat ruse që goditën qytetin jugor të Mykolaiv.

Oleksiy Vadatursky, 74 vjeç dhe gruaja e tij Raisa humbën kur një raketë goditi shtëpinë e tyre gjatë natës, shkruan BBC.

Vadatursky zotëronte Nibulon, një grup i përfshirë në eksportet e grurit, si dhe kishte marrë çmimin “Hero i Ukrainës”. Nibulon ka ndërtuar shumë objekte magazinimi dhe infrastrukturë për eksportimin e grurit.

Ukraina dhe Rusia janë eksportuesit kryesorë të grurit dhe drithërave dhe ndërprerja e eksporteve të shkaktuara nga lufta ka bërë që çmimet e ushqimeve të rriten në mbarë botën.

Të dy vendet nënshkruan një marrëveshje të ndërmjetësuar nga OKB në Turqi javën e kaluar, që synon lehtësimin e krizës ushqimore. Por dërgesat ukrainase pritet të jenë të ngadalta mes kontrolleve të rrepta të sigurisë.

LEXONI GJITHASHTU

• Zelenski urdhëron civilët që të evakuohen nga rajoni i Donetsk
• Kush e goditi burgun? Rusia dhe Ukraina akuzojnë njëra-tjetrën
• Lufta Ukrainë-Rusi, shkatërrimi i një ure strategjike ndryshon situatën