Anijet do pajisen me armë hipersonike për të mbrojtur kufijtë, kërcënon Putin

Flota ruse do të pajiset me sisteme raketore moderne. Në Ditën Kombëtare të Marinës, Putin thotë se armët do përdoren ndaj kujtdo që kërcënon territorin rus.

Marina ruse do të pajiset me raketa të reja hipersonike brenda pak muajve. Deklarata u bë nga presidenti i Rusisë, Vladimir Putin gjatë fjalimit të mbajtur në Ditën e Flotës Ruse. Putin i cilësoi raketat e reja Zirkon si modelin me të avancuar ushtarak

Presidenti rus tha se armët e reja do të vendoset në zonat detare ku interesat e Rusisë ndjehen më të kërcënuara.

“Vendosja e armëve do të nisë gjatë muajve të ardhshëm. Fregata Gorshkov do të jetë e para që do t’i këtë në bord. Synimi kryesor këtu është rritja e aftësisë së marinës ruse. Ajo është në gjendje t’i përgjigjet me shpejtësi rrufe të gjithë atyre që vendosin të cenojnë sovranitetin dhe lirinë tonë”, u shpreh presidenti rus.

Putin tha se interesat e Rusisë në det janë përcaktuar qartë dhe flota detare do të nisë zbatimin e doktrinës se re te mbrojtjes.

Dita e Marinës është një festë kombëtare që festohet në gjithë Rusinë. Prezantimi i armatimeve shihet si një tjetër sfidë që Putin bën ndaj Perëndimit pas sulmit të Ukrainës. Në paradë morën pjesë rreth 40 aeroplanmbajtëse dhe më shumë së 3500 trupa ushtarake.

LEXONI GJITHASHTU:

• Putin: Shtetet e Bashkuara janë kërcënimi kryesor për Rusinë
• Tre ukrainas në Kherson betohen për besnikëri ndaj Rusisë nën portretin e Putin