2024/ Do të hapet Katedralja e Parisit pas restaurimit

Katedralja e Parisit “Notre Dame” do të hapet për vizitorët vitin që vjen. Monumenti i kulturës, ndër atraksionet më të bukura dhe më të vizituara në botë u dëmtua nga zjarri gjatë vitit 2019, flakët e të cilit shkrumbuan një pjesë të konsideruesmë të ndërtesës.

E gjithë bota u shqetësua për katedralen për të cilën u punua fort që të shpëtohej nga flakët, ndërsa një numër i madh shtetesh dhanë donacione për të ndihmuar në rindërtimin e saj. Duket se  lajmi i mirë erdhi për të gjithë ata që duan ta vizitojnë, ndëkohë që po mendohet nga autoritetet e Parisit zyrtar që katedralja të hapet për vizitorët në vitin 2024. Lajmin e ka dhënë ministri francez i Kulturës, Rima Abdul Malak.

Monumenti i Parisit i shekullit të 13-të mori flakë në prill të vitit 2019, gjë që mori një kohë të konsidrueshme restaurimi për ta rikthyer sërish në gjendjen e mëparëshme.

Hapja e katedrales së Parisit për vizitorët përkon me Lojërat Olipike që mbahen vitin që vjen në Paris, ndërkohë që pritet një fluks i madhe sport-dashësish por edhe vizitorësh.

Kostoja e restaurimit ishte përllogaritet 850 milionë euro ndërkoëh që përfshinte tri faza.

Sigurimi për qëndrueshmëri të ndërtesës dhe pastrami I rrënojave është faza e parë e cila është e përfunduar.

Faza e dytë përfshin punimet në korniza dhe çatitë dhe rindërtimi i plotë i majës së shkrumbuar nga flakët, i cili pritet të nisë në fund të sezonit veror.

Ndërsa që faza e tretë dhe përmbyllëse do të fokusohet në rindërtimin e jashtëm.

Por theksojmë se Kulla Eiffel ka nevojë për ndërhyrje të menjëhershme pasi struktura e lartë prej çeliku është në gjendje të amortizuar nga korrozioni i viteve dhe vendimmarrja më e funidt nga autoritetet në Paris është lyerja para lojrave olimpike.