‘Po indoktrinoni fëmijët’ zyrtarë britanikë të shqetësuar për mësimet në shkolla

‘Mund t’i indoktrinoni fëmijët’, ka thënë Kryeprokurorja britanike ditën e djeshme teksa bëri apelin e saj kundër disa prej politikave mësimore që po aplikohen ndaj fëmijëve nëpër shkolla.

Shkollat ​​nuk duhet t’i mësojnë ‘fjalë kyçe’ 8-vjecarëve si transgjinor, panseksual, interseks, diseufori gjinore, ka thënë këshilltarja më e lartë ligjore e qeverisë britanike.

Prokurorja e Përgjithshme Suella Braverman paralajmëroi mësuesit me ‘qëllim të mirë, por të keqinformuar’ se mund të rrezikojnë t’i ‘indoktrinojnë fëmijët në një pikëpamje të njëanshme dhe të diskutueshme të gjinisë’ në klasa.

Ministri i kabinetit, i cili kohët e fundit kandidoi për udhëheqjen e konservatorëve përpara se të eliminohej në garë për të zëvendësuar Boris Johnson, gjithashtu këmbënguli se nuk ishte ‘e përshtatshme për moshën’ t’u mësohej 4-vjeçarëve se njerëzit mund të ndryshojnë seksin ose gjininë.

Në një fjalim për thinktank-un të Policy Exchange, ministri i kabinetit u përpoq të ofronte ‘qartësi ligjore për shkollat ​​dhe prindërit’ për çështjet transgjinore.

Prokurori i Përgjithshëm tha se ‘mungesa e qartësisë dhe konfuzionit’ i kishte bërë disa mësues ‘të ndihen të detyruar për të bërë gjënë e gabuar’ dhe të ndihen ‘të ngujuar për të pranuar dogmën që u jepet, duke pranuar materialet që u paraqiten’.

“Ata mendojnë se nuk kanë zgjidhje tjetër veçse të mësojnë diçka me të cilën nuk pajtohen në thelb”- tha ajo.

“Ne nuk mund të jetojmë në një klimë të tillë, nuk mund të jetojmë në një vend ku mësuesit, prindërit dhe të rinjtë ndihen të sikur s’mund të shprehin mendimin e tyre.”

Prokurorja e Përgjithshme paralajmëroi gjithashtu se ‘Ofsted duhet të ndërhyjë’ nëse udhëzimet e qeverisë nuk zbatohen ose ndiqen nga shkollat.

Pikëpamjet e zonjës Braverman për çështjet transgjinore në klasa, dhe argumentet ligjore rreth tyre, erdhën ndërsa ajo foli më gjerësisht për barazinë dhe ligjin e të drejtave të njeriut.

LEXONI GJITHASHTU: 

• A po zhduket fjala ‘grua’?
• BBC akuzohet se po ‘zhduk gratë’ duke i zëvendësuar me punonjëse transgjinore
• Çfarë janë nomadët digjital?