Një grabitës shpëtohet nga tuneli i shembur pranë bankës në Vatikan

Një italian është shpëtuar nga një tunel i shembur pranë Vatikanit. Policia dyshon se ai mund të kishte hyrë në një bankë.

Zjarrfikësit kaluan tetë orë duke e nxjerrë dhe tani i dyshuari është duke marrë mjekim në spital.

Policia e ka arrestuar atë dhe një person tjetër për dëmtim të pronës publike. Oficerët besojnë se ai mund të ketë qenë pjesë e një bande që përpiqej të hynte në një bankë aty afër.

Dy burra të tjerë u arrestuan për “rezistencë ndaj një zyrtari publik” pasi u përpoqën të arratiseshin nga vendi, raporton Rai News.

Tre nga katër burrat arritën të arratiseshin përpara se tuneli të shembet, duke e lënë njeriun e fundit të bllokuar gjashtë metra më poshtë.

Mediat lokale besojnë se motivi është i qartë, duke vënë në dukje se tuneli u gjet pranë një banke pak para fundjavës së gjatë të 15 gushtit, kur pjesa më e madhe e qytetit boshatiset.

LEXONI GJITHASHTU:

• Trupat ruse kryejnë grabitje masive të çelikut në fabrika dhe porte në Ukrainë