Një vit nga kthimi në pushtet, talebanët festojnë ‘fitoren’ ndaj amerikanëve

Talebanët në Afganistan mbushën rrugët e Kabulit për të festuar njëvjetorin e kthimit në pushtet.

E shpallur ditë pushimi, e hëna shënoi 12 muajt e para qeverisje të rebelëve, mes një krize ekonomike serioze.

Ata brohorisnin parulla fitoreje dhe u pozicionuan për foto pranë ambasadës amerikane.

“Jemi shumë të lumtur që mposhtëm Amerikën. Të gjithë jemi të lumtur. Mesazhi im për njerëzit që u larguan jashtë, që janë mjekë, inxhinierë, apo që punonin për qeverinë e kaluar, është të kthehen sërish pasi krahët e Emiratit Islamik janë të hapur për ta”, thotë një nga talebanët.

Megjithatë, për afganët e zakonshëm e sidomos gratë, vështirësitë janë shtuar. Ky spital fëmijësh ka mungesë medikamentesh dhe stafi. Gjithashtu, me një kapacitet për 300 pacientë, ai ka rreth 500.

Talebanët mbeten ndërkombëtarisht të izoluar dhe kryesisht jashtë skemave të ndihmave. Një raport i ri i OKB-ë paralajmëroi se thatësira e vazhdueshme dhe korrjet e varfra, pa harruar inflacionin, rrezikojnë të rrisin varfërinë dhe krizën e urisë.

LEXONI GJITHASHTU:

• Vajzat që sfidojnë talebanët, si arsimohen të rejat afgane përballë guerilasve
• Talebanët godasin gratë të cilat kishin dalë për të protestuar