Psikologia: Kryeministrja finlandeze, politikania atipike që po pëlqehet më shumë

Psikologia Lenida Halilaj thotë se videoja e kryeministres finlandeze duke festuar me mikeshat e saj është thyerja e privatësisë, pasi pavarësisht pozicionit, të gjithë e kanë një jetë private për të jetuar.

Në një intervistë për Euronews Albania ajo tha se kryeministrja Sanna Marin është politikania atipike që po pëlqehet edhe më shumë nga publiku sesa politikani tradicional; që në përgjithësi është mashkull, me karakter të fortë, i dhënë 100 për qind ndaj karrierës.

“Ka ardhur një kohë ku janë përqafuar sjelljet atipike të liderëve, të cilët shihen edhe më shumë si njerëz normalë”, tha Halilaj.

Në Finlandë, kryeministrja e vendit Sanna Marin është vënë në kritika pas publikimit të një video ku ajo shfaqet duke festuar me miqtë e saj.

Në video, sipas mediave finlandeze, shfaqet kryeministrja e vendit duke marrë pjesë në një festë të shfrenuar, në një ambient privat. Pjesë e festës kanë qenë miq politikanë të kryeministres, deputetë, gazetarë dhe personazhe të show-bizit finlandez.

Pas publikimit të pamjeve të festës, deputetë të opozitës i kanë kërkuar kryeministres të bëjë testin e drogës.

LEXONI GJITHASHTU:

• Festa ishte private dhe videoja nuk duhej publikuar, thotë kryeministrja e Finlandës