15 mijë euro nëse shpërnguleni në këtë qytet italian

Qeveria lokale e Sardenjës do të ofrojë deri në 15,000 euro për njerëzit që lëvizin në shumë qytete dhe fshatra të vegjël të ishullit, një përpjekje kjo për të luftuar shpopullimin rural.

Sipas Travel Tomorrow, granti nuk duhet të rimbursohet menjëherë, por duhet të shkojë për blerjen ose rinovimin e një shtëpie në Sardenjë.

Kriteret e tjera që duhen plotësuar për ata që duan të shpërngulen në Sardenjë përfshijnë vendndodhjen e shtëpisë, e cila duhet të jetë në një komunë me më pak se 3,000 banorë.

Për më tepër, maksimumi i grantit është 15,000 euro dhe nuk duhet të kalojë gjysmën e kostos së blerjes ose rinovimit të shtëpisë, shkruan Schengen Visa Info.

Kjo nuk është hera e parë që qeveria italiane ofron grante për të tërhequr më shumë banorë ose punëtorë migrantë sezonalë.

Muajin e kaluar, qeveria italiane vendosi të sigurojë kompensime të njëhershme prej 200 eurosh për punëtorë të tillë, me masën që pritet të tërheqë më shumë qytetarë të vendeve të treta.

Italia po përballet me një popullsi në rënie pasi numri i banorëve pritet të bjerë nga 59.6 milionë njerëz në 2020 në 47.6 milionë në 2070.

LEXONI GJITHASHTU

• Pasaportat e arta, dhjetra vende japin shtetësinë për investime
• 8 vendet europiane që kanë vendosur kufizime ndaj turistëve rusë