Fidel Ylli thirrje Ramës: Nxirrini nga errësira kompanitë e basteve që po gëlojnë

Kreu i KOKSH, Fidel Ylli i ka kërkuar kryeministrit Edi Rama që të “nxjerr` nga errësira kompanitë e basteve, të cilat sipas tij po gëlojnë”.

Gjatë fjalës së tij, në ceremoninë e pritjes këtë të hënë në mjediset e Kryeministrisë, ai nënvizoi se ka ardhur një moment që duhet të bëhet një studim, një hartë për situatën.

‘Nxiri nga errësira kompanitë e basteve e jepja ato sportit që ne të bëjmë një qendër tjetër olimpike. Për t’i bërë edhe më shumë në qytete të tjera të Shqipërisë. Pra ne nuk mund të kërkojmë lëmoshë buxhetit të shtetit. Unë kam qenë në parlament dhe e di si ndahet buxheti i shtetit. Kërkojmë burme alternative që i merr errësira. Pse duhet të ndodhë kjo? U bë mirë që u mbyllën kam qenë në parlament dhe kam votuar. Ishin bërë si kërpudha në mes të shiut. Por ka ardhur një moment që duhet bërë një studim një hartë. Zoti kryeministër ka e gjithë bota kompani bastesh. Po ne kaq të pasur jemi që këto para t’ja lëmë rrugës. Ne nuk mund të rrimë me atë pallat sporti zoti kryeminitër”, u shpreh Ylli.

LEXONI GJITHASHTU:

• Përlotet Evis Kushi: Luzia Gega do të gëzojë gradën kolonel
• Rama: Arritja e Luiza Gegës të lë pa fjalë, sot jemi para Gjermanisë