‘Ju nuk e dini çfarë janë rusët’, ukrainasja: Duhet të kishit dëgjuar Zelenskin

Irina Romanova, shtetase ukrainase, është shprehur se vendi ynë duhet të kishte ndjekur këshillën e Volodymyr Zelensky, për të mos pranuar turistët rusë.

Në intervistën e zhvilluar nga gazetarja Ortensa Budlla, ajo tha se nuk beson se janë turistë, pasi një turist kërkon falje kur shkel ligjin dhe nuk lufton me ushtarakët.

“Patjetër që janë spiunë dhe agjentë rusë, sepse e para, ata kanë hedhur lëndë kimike në drejtim të ushtarëve. Dhe e dyta unë jam guidë turistike dhe i njoh mirë vendet turistike të Shqipërisë. Nuk besoj se Gramshi është vend për t’u vizituar patjetër”, tha Romanova.

Sipas saj, spiunët rusë nuk e kanë sulmuar Shqipërinë si Shqipëri, por si një vend anëtar i NATO-s.

“Shqipëria duhet të jetë pak më e kujdesshme në objektet ushtarake, kryesorja sepse Shqipëria është vend anëtar i NATO-s, ndaj nuk duhen marrë gjërat kaq lehtë”, tha ajo.

Dy shtetas rusë, 33-vjeçarja Svetlana Timofoeva, 23-vjeçari Mikhail Zorin dhe një ukrainas janë arrestuar mbrëmjen e së shtunës pas një incidenti në uzinën ushtarake në Gramsh.

Në dëshminë e tyre, ata kanë thënë se janë blogerë dhe fotografonin kryesisht territore ushtarake që janë të braktisura dhe nuk përdoreshin më nga shteti.

LEXONI GJITHASHTU:

• 2 rusët dhe ukrainasi akuzohen zyrtarisht për spiunazh
• Ish-ushtaraku: Janë thyer rregullat, të dënohen rusët, çekët e ukrainasit