Shqiptarja që krenoi Greqinë: Kam marrë mesazhe raciste, por po shijoj suksesin
Elina Xhengo, kampione e Europës në hedhje shtize, vajza 20-vjeçare e lindur nga prindër shqiptarë, nuk e ka shijuar tërësisht suksesin e Europianit të Mynihut.
Edhe pse ajo përfaqësoi Greqinë dhe madje valëviti flamurin e vendit fqinj në Kampionatin Europian, ku vendosi edhe rekord kontinental si vajza më e re që arrin të fitojë një titull në këtë disiplinë, mesazhet fyese me bazë raciste për shkak të origjinës së saj nuk kanë munguar.
“Kam marrë mesazhe negative sepse jam me origjinë nga Shqipëria”, thekson Elina në një intervistë për një televizion grek.
“Telefonatën e parë ua bëra prindërve të mi sepse ata kanë besuar shumë dhe e prisnin këtë sukses. Ata e ndiejnë stresin e garimeve të mija dhe kërkojnë që ta largojnë nga unë”, theksoi Elina.
Në vijim ajo nënvizon se vetëm gjatë muajve të fundit është pajisur me pasaportë greke dhe nuk e dinte nëse do të merrte pjesë në Europian, por pavarësisht këtij fakti nuk e ka ndalur stërvitjen. E pyetur nga gazetarët në lidhje me racizmin, ajo thekson:
“Prindërit kanë qenë shumë të zemëruar me faktin që nuk kisha mundësi të konkurroja në nivele ndërkombëtare për shkak të mungesës së pasaportës, qytetarët grekë janë shumë nacionalistë, mesazhet negative më shqetësuan fillimisht, por tani po shijoj medaljen”.
Elina ka lindur në Greqi në vitin 2002 dhe është vetëm 20 vjeç, por konsiderohet e ardhmja e kësaj disipline. Prindërit emigruan shumë vite më parë dhe sot ajo konsiderohet edhe krenaria e Greqisë.
Mediat i kanë kushtuar një hapësirë të madhe, ndërsa vetë atletja me përulësi shprehet se falë arritjes së saj do të mund të largojë mamanë nga puna si pastruese, pasi ajo ka sakrifikuar shumë për të deri në momentin që u shpall kampione Europe.
Xhengo është rekordmenia europiane për sa i përket moshës së një kampioneje. 20-vjeçarja ka thyer rekordin e vendosur në vitin 1962 nga Elvira Ozolina që u shpall kampione kontinenti në moshën 23-vjeçare.
LEXONI GJITHASHTU:
Maran e nis me humbje, Izraeli mposht Shqipërinë në miqësoren me tensione
Sherr në fushë pas golit të Izraelit, Glouk provokon! Tifozët thërrasin “Palestinë”
Botërori 2026, miliona turistë dhe miliarda fitime
- 16:41 Udhëheqësi i Hezbollahut: Negociatat Liban-Izrael janë të turpshme
- 16:28 Disa të plagosur nga shembja e ingranazhit të hundës së një avioni në Frankfurt (VIDEO)
- 16:22 Vrasja e policit në Maliq, Hita: Nuk kam pasur dijeni për operacionin, do kishim marrë masa më të forta
- 16:14 Autorja e nominuar për çmimin Oscar, Marjane Satrapi ndërron jetë në moshën 56-vjeçare
- 16:14 Rubio: Groenlanda është pjesë e Danimarkës “për momentin”, bisedimet për ishullin vazhdojnë
- 16:02 Starmer akuzon Musk se po përpiqet të shkaktojë përçarje në Mbretërinë e Bashkuar