Gazetari Ferhati: Baza e Gjadrit u dyshua se përdorej për trafik droge

Gazetari Eni Ferhati gjykon se ngjarja me dy shtetasit rus dhe atë ukrainas në Gramsh duhet të ndihmojë për të ndarë njëherë e mirë strukturat e klasifikuara dhe deklasifikuara.

“Na është bërë me dije zyrtarisht se uzina e Gramshit nuk ka pasur një aktivitet të vazhdueshëm sa i takon demontimit të armëve. Kryesisht kjo uzinë ka shërbyer për demontimin e armëve që sjell policia e shtetit, pra armë që sekuestrohen gjatë operacioneve të ndryshme,” – u shpreh Ferhati.

Ndërkohë, sipas gazetarit disa baza ushtarake që kanë dalë jashtë planit të ushtrisë nuk ruhen fare.

“Kam përshtypjen që baza e Gjadrit nuk ka masa sigurie për ruajtjen e saj. Të mos harrojmë që pista e kësaj baze u dyshua nga autoritetet që përdorej për uljen e avionëve për trafik droge,” – deklaroi Ferhati.

Ai bëri me dije se pas ngjarjes së të shtunës në Gramsh është rritur niveli i sigurisë në të gjitha repartet ushtarake të deklasifikuara, ose jo.

LEXONI GJITHASHTU:

• Shërbimet greke dhe serbe më të rrezikshme se ato ruse, thotë eksperti