Florian Marku nderohet me ‘Yllin e Madh’, Rama: Ambasador i Shqipërisë

Në ambientet e Kryeministrisë është zhvilluar të shtunën një ceremoni nderimi për boksierin Florian Marku, i cili dy ditë më parë fitoi titullin vakant WBC silver.

Kryeministri Edi Rama tha se Marku është nderuar me medaljen ‘Ylli i Madh’, pasi është sot një ambasador i Shqipërisë në botë.

“Ky është një vlerësim është bërë për shumë persona të rëndësishëm, ambasadorë me kontribut kur kanë mbaruar mandatin në vendin tonë. Florian Marku është ambasador i Shqipërisë që prejardhjen e ka në Kosovë dhe Myzeqe. Ai është shembull pozitiv në Britani ku imazhi i Shqipërisë u ndot së fundmi”, tha Rama.

Rama iu përgjigj edhe kritikave pas ceremonisë së nderimit të kampiones europiane të Shqipërisë, Luiza Gega. Kryeministri se Luiza Gega nuk u braktis nga qeveria dhe kjo e fundit nuk u përpoq të përfitonte nga suksesi i saj, pasi u shpall kampione.

“Të tjerë u përpoqën të thonë se nderimi që ne i bëmë ishte përpjekje për te marrë pjese në suksesin e saj. Asnjëra nuk është e vërtetë. Nuk është e vërtetë që Luiza ka vrapuar vetëm, pavarësisht se suksesi është i gjithë i saj. Nuk është e vërtetë që duke nderuar Luizën ne u përpoqëm të përfitojmë nga suksesi i saj”, tha Rama.

LEXONI GJITHASHTU:

• Trajneri i Kombëtares së Boksit: Kemi boksierë shumë më të mirë se Florian Marku
• Luiza Gega krenon Shqipërinë, Rama i puth duart| 5 ngjarjet kryesore