‘Kompromisi’ i Vuçiç: I pranojmë dokumentet e Kosovës me një kusht

Presidenti i Serbisë, Aleksandar Vuçiç tha se është gati të heqë praktikën e pajisjes me formular shtesë të qytetarëve që me dokumente të Kosovës hyjnë në Serbi.

Kjo, duke vendosur vetëm një deklaratë të shkruar në pikat kufitare, të cilave iu referohet si administrative, shkruan Klankosova.

“Ne jemi të gatshëm të bëjmë një shpallje të përgjithshme dhe ta vendosim nëpër vendkalimet administrative, presim garancitë e BE-së dhe në to do të shkruajë se mundësohet përdorimi i dokumenteve personale të lëshuara nga ana e Prishtinës ekskluzivisht për arsye praktike për të mundësuar lirinë e lëvizjes dhe nuk mund të interpretohet si njohje e pavarësisë së shpallur njëanshëm të Kosovës”, tha Vuçiç, të shtunën një deklaratë për mediat.

Ai theksoi se “për ne është e rëndësishme që serbët nga Kosova të mund të lëvizin me dokumente nga Serbia, të hyjnë dhe të dalin nga Kosova”.

“Ne kërkojmë garanci nga BE-ja për këtë, presim përgjigje nga Borelli dhe Lajçaku në tre deri në katër ditët e ardhshme, që do të thotë se çdo serb nga Kosova mund të hyjë dhe të dalë nga Kosova me dokumente nga Serbia”, u shpreh Vuçiç.

LEXONI GJITHASHTU:

• Vuçiç anulon ‘Paradën e Krenarisë’: Nuk jam i lumtur, por po shkojmë drejt krizës
• Vuçiç mandaton Ana Bërnabiç për kryeministre të Serbisë