Më shumë se 1,100 viktima nga shirat në Pakistan

75 persona kanë humbur jetën si pasojë e përmbytjeve në Pakistan gjatë 24 orëve të fundit, duke e çuar numrin e të vdekurve në 1138 që nga fillimi i shirave të dendur në vend, njoftuan të hënën autoritetet pakistaneze.

Shumica e vdekjeve u raportuan në provincën veriperëndimore të Khyber Pakhtunkhwa dhe provincën jugore të Sindh, të cilat ishin më të prekurat nga përmbytjet.

Më shumë se 1,634 njerëz u plagosën në aksidentet e shkaktuara nga shiu dhe përmbytjet, thanë autoritetet. Më shumë se 719 mijë kafshë shtëpiake ngordhën gjithashtu, raportoi Anadolia.

Më shumë se 3,451 kilometra rrugë, 149 ura, 170 dyqane dhe 949,858 shtëpi u dëmtuan në të gjithë Pakistanin, i cili është goditur nga reshjet që nga mesi i qershorit.

LEXONI GJITHASHTU:

Përmbytjet në Pakistan, një e treta e vendit është nën ujë