Albanologu rus për Euronews Albania: Nuk kthehem në Rusi pa mbaruar lufta në Ukrainë

Albanologu rus, Alexander Rusakov thotë se nuk do të kthehet në Rusi, nëse nuk përfundon lufta në Ukrainë.

Në një intervistë për “Euronews Albania”, Rusakov u shpreh se largimi i tij nga Rusia, nuk lidhjet drejtpërdrejt me deklaratën e tij, se ishte kundër luftës.

“Një pjesë e familjes time ndodhet në Gjermani. Nuk e di a do të kthehem në Rusi. Ndoshta nuk do të ndodhë asgjë dhe ndoshta pas disa javësh ndaj meje do të ketë një masë penale, këtë nuk e di. Shkaku kryesor i ikjes sime nga Rusia nuk ishte rreziku personal, por ishte mospranimi i zhvillimit të luftës. Asgjë nuk ndryshoi dhe nuk kam shpresë se do të ndryshohet në muajt e afërt. Mendoj të kthehem në Rusi nëse situata do të ndryshojë, të përfundojë lufta”, theksoi ai.

Alexander Rusakov, profesor në katedrën e Gjuhës Shqipe në Universitetin e Shën Petersburgut, është shprehur kundër luftës duke e cilësuar atë krimnale.

Pak ditë pas këtij qëndrimi, ai është larguar nga Rusia dhe ka kërkuar leje qëndrimi në Shqipëri, diçka që i është pranuar.

Aktualisht, Rusakov është duke punuar në Akademinë e Shkencave në Tiranë.

LEXONI GJITHASHTU

• Kërcënimet nga Kina dhe Rusia, Japonia do zhvillojë raketa me rreze më të gjatë
• NASA lançon sot raketën gjigande që do kthejë njeriun në Hënë
• India shkarkon tre oficerë për lëshimin aksidental të raketës në Pakistan