Moska reagon ashpër ndaj vendimit të BE-së për vizat e turistëve rusë

Krerët e diplomacisë së vendeve të BE-së vendosën të pezullojnë marrëveshjen për lehtësimin e vizave për udhëtimin e qytetarëve rusë, gjë që hasi në pakënaqësinë e Moskës.

Vendimi i Bashkimit Evropian nuk do të mbetet pa pasoja dhe si përgjigje Moska mund të marrë masa simetrike dhe asimetrike, tha zëvendësministri i Punëve të Jashtme të Rusisë, Aleksandër Grusko.

“Shkelja, anashkalimi apo dalja e BE-së nga marrëveshja për lehtësimin e vizave me Rusinë nuk do të mbetet pa pasoja. Ne do të vendosim vetë nëse masat do të jenë simetrike, asimetrike apo të ndonjë forme tjetër që BE-ja nuk e pret,” tha Grusko.

Kujtojmë se më herët gjatë ditës së martw, ministrat e Punëve të Jashtme të Bashkimit Evropian ranë dakord të pezullojnë plotësisht marrëveshjen për lehtësimin e vizave me Rusinë, e cila do të vështirësojë hyrjen e qytetarëve rusë në BE.

Siç tha ai, kjo do të zvogëlojë ndjeshëm numrin e vizave të reja të lëshuara nga vendet anëtare të BE-së dhe do të jetë më e vështirë dhe më e gjatë për t’u marrë.

LEXONI GJITHASHTU:

• Vizat turistike për rusët, BE-ja e përçarë nëse duhen ndaluar apo jo