Regjimi 41 bis në burgje, SPAK kërkon që 8 të burgosur të kalojnë në monitorim të veçantë

Struktura e Posaçme Anti-Korrupsion (SPAK) kërkon që 8 persona, të cilët ndodhen në burgjet shqiptare të vendosen në regjim të veçantë, ose siç njihet ndryshe si “41 bis”.

Për  “8 personazhe” të njohur të botës së krimit, të cilët janë të dënuar apo ndodhen në procese gjykimi SPAK kërkon që këta të burgosur t’i kenë kontaktet e kontrolluara me botën jashtë.

Telefonat dhe takimet e tyre duhet të jenë nën përgjim në mënyrë që këta të burgosur mos të kenë mundësi të japin urdhra për pjesëtarët e tjerë të grupit të cilët ndodhen jashtë.

Kërkesat e SPAK janë dorëzuar që në muajin prill pranë Ministrisë së Drejtësisë, por që ende nuk kanë marrë dritën jeshile nga ky dikaster.

Mësohet

se të burgosurit ndodhen në dy burgje, në paraburgimin 313 në Tiranë dhe atë të sigurisë së lartë në Peqin.

Lexoni gjithashtu:

Manjola Kajana betohet si prokurore e SPAK

COVID-19 depërton në ‘Drejtësi’, SPAK dhe Apeli i Tiranës shqyrtojnë vetëm çështjet me prioritet