Stomatologia me sindromën Down, prej tre vitesh ushtron profesionin e ëndrrave

Eloida Alija është me sindromën Down, por kjo gjë nuk e ka penguar të punojë si ndihmës stomtologe, në një klinikë dentare në Ferizaj.

Ela ka kryer vetëm filloren. Paragjykimet janë bërë shkak për ndërprerjen e shkollës.

“ Eloida ka përfunduar vetën filloren, më tutje nuk kam vazhduar për shkak të bullizmit, i di të gjitha, mirë ka qenë të vazhdonte. Nuk më pëlqejnë ende shkollat nuk e kanë atë përkrahjen e vazhdueshme për një asistente që të asistojë,” – u shpreh Indira Alija, mamaja e Eloidës.

Shikimet paragjykuese nuk mungojnë as në punë. Por për Elën ngrohtësia që merr nga pacientët është mbi gjithçka.

“Ka ndodhur që në klinikë, ka qenë një djalë i vogël, 4 vjeç besoj, dhe nuk ulej në karrike derisa të vinte Ela. Non stop thoshte dua Elën. Ka njerëz që e motivojnë, e përshëndesin, i japin dashuri. Ka dhe ata që e shohin me një sy jo ashtu të mirë, por Ela vazhdon punën e vet,” – tha mamaja e saj.

Ela arriti të gjejë punën e ëndrrave, por shumë si ajo janë në kërkim të një vendi pune. Shpesh paragjykimet janë pengesë për integrimin në shoqëri.

LEXONI GJITHASHTU:

• Familja rome rrit vajzën me sindromën down në kushte minimale