Palët gjejnë paktin, të hënën mblidhet Këshilli Politik për ndryshimet kushtetuese

Pas deklaratave të Ramës dhe reagimit të koalicionit opozitar për çështjen e ndryshimeve kushtetuese në Kodin Zgjedhor, situata sërish ka marrë një trajtë të re.

Bashkëkryetari i Komisionit të Reformës Zgjedhore, Damian Gjiknuri me konsensusin edhe të opozitës jashtëparlamentare ka njoftuar se të hënën (20 korrik) do të mbahet mbledhja e Këshillit Politik.

“Në vijim dhe të përgjigjes nga përfaqësuesit e opozitës jashtëparlamentare, mbledhja e tryezës së Këshillit Politik mbahet ditën e hënë ora 11:00”,- theksohet në njoftimin e mazhorancës.

Përfaqësuesi i mazhorancës, Damian Gjiknuri propozoi fillimisht se Partia Socialiste dëshiron që takimi i palëve të mbahet në Pallatin e Kongreseve, dhe ky propozim mori dakordësinë e menjëhershme të opozitës jashtëparlamentare. 

“Duke ju informuar se në këtë mbledhje Partia Socialiste do të përfaqësohet përveçse nga unë edhe nga kryetari Rama, ju bëj me dije se në rast dëshire edhe prezenca e kryetarëve përkatës të opozitës jashtëparlamentare, do të ishte plotësisht e mirëpritur nga ana jonë. Vendi i zhvillimit të tryezës propozoj të mbetet i njëjti në mjediset e Pallatit të Kongreseve. Në pritje të përgjigjes suaj”, thuhet në shënimin e Gjiknurit.

Lexoni gjithashtu: 

Koalicioni opozitar i përgjigjet Ramës: Gati të ulemi në tryezë për çdo temë, por të votohet 5 qershori

Listat dhe koalicionet parazgjedhore, Edi Rama: Jam i gatshëm të shkoj në Këshillin Politik

Meta takohet sërish me Bashën: Ndryshimet kushtetuese të trajtohen në Këshillin Politik

Ndryshimet kushtetuese për Kodin Zgjedhor, Presidenca i përgjigjet Ramës: Mos kini frikë nga qytetarët

Rama: Marrëveshja e 5 qershorit nuk preket në asnjë pikë. Nuk i kemi hequr koalicionet, i kemi bërë si Gjermania

Alket Hyseni: Listat e hapura dhe koalicionet janë dy gjëra që nuk mund të qëndrojnë bashkë