Erdogan telefonatë Putin, oferta për termocentralin e Zaporizhias

Presidenti ukrainas dhe ai turk u takuan më 18 gusht në Lviv të Ukrainës. Bashkë me sekretarin e Përgjithshëm të OKB-së, Antonio Guterres ata diskutuan rreth termocentralit Zaporizhia.

“Ne jemi të shqetësuar. Nuk duam një Çernobil tjetër”, deklaroi Erdogan duke marrë parasysh që Rusia dhe Ukraina vazhdimisht akuzojnë forcat ushtarake të tyre për një fatkeqësi bërthamore.

Ndërkohë në një telefonatë më 3 shtator Erdogan mund të ndërmjetësojë këto përplasje duke folur me Putin.

“Presidenti Erdogan deklaroi se Turqia mund të luajë një rol lehtësues në termocentralin bërthamor të Zaporizhias, ashtu siç bëri në marrëveshjen e grurit”, tha zyra e Erdoganit në një deklaratë, duke iu referuar një marrëveshjeje të eksportit të grurit të nënshkruar në korrik nga Rusia dhe Ukraina, e cila u ndërmjetësua nga OKB-ja dhe Turqia.

Zaporizhia, që ka rënë nën kontrollin rus pak ditë pas nisjes së pushtimit të Ukrainës, është centrali më i madh bërthamor në Evropë, raporton Radio Evropa e Lirë.

Misioni i Agjencisë Ndërkombëtare për Energji Bërthamore pritet të qëndrojë në central deri më 3 shtator.

LEXONI GJITHASHTU:

• Greqia-Erdoganit: Ka kaluar çdo kufi, do informojmë menjëherë aleatët