Vaksina anti-COVID, Universiteti i Oksfordit prezanton rezultatet e para

Një vaksinë kundër COVID-19 e përgatitur nga Universiteti i Oksfordit ka treguar se është e sigurt dhe se nxit tek njeriu një përgjigje imunitare ndaj virusit.

Vaksina në fjalë është testuar tek 1 mijë e 77 persona, të cilët treguan se injeksioni i bënte të prodhonin antitrupa dhe qeliza të llojit T, që mund të luftojnë koronavirusin.

Zbulimet janë shumë premtuese, por është ende herët për të ditur nëse ato janë të mjaftueshme për të ofruar mbrojtje, ndaj dhe teste të mëtejshme janë në zhvillim e sipër.

Mbretëria e Bashkuar ka urdhëruar 100 milionë doza vaksine. Ajo po prodhohet me një shpejtësi të paprecedentë, bazuar në një virusi gjenetikisht të modifikuar që shkakton të ftohtë të zakonshëm tek majmunët.