Reforma zgjedhore, Meta: Komisioni duhet të kishte një produkt që sot

Ekspertja zgjedhor Gerta Meta, në një intervistë për Euronews Albania, është shprehur se Komisioni i Posaçëm për Reformën zgjedhore, duhet të kishte një produkt të veprimtarisë së saj që sot.

Sipas Metës, vendimi i komisionit për ta shtyrë afatin e veprimtarisë së punës me 6 muaj, ishte joserioz.

“Diskutimi i Reformës Zgjedhore është kthyer në bezdi. Komisioni i Posaçëm për Reformën Zgjedhore sot mori një vendim jo serioz duke shtyrë mandatin e Komisionit pa pasur asnjë lloj produkti final. Ajo që është shumë me vlerë është se kush do të ishte agjenda dhe kush do të jetë kalendari i punës së këtij komisioni që ne nuk e kemi parë. Nuk e dimë kush janë ato piketat që duhet të kishte filluar punën dhe ndoshta tani duhet të ishte drejt mbarimit të kësaj reforme.”- tha ajo.

Për eksperten, komisioni sot duhet të ishte i maturuar, i kopsitur përsa i përket mënyrës se si do të flitet me publikun se çfarë do të ndodhë realisht dhe a do ndryshojë kodi zgjedhor.

Komisioni i Reformës Zgjedhore e shtyu afatin e veprimtarisë së tij deri në 10 mars të vitit të 2023.

Vendimi u mor sot në Mbledhjen e Komisionit, gati 3 muaj pasi ishte miratuar nga Kuvendi, por puna mbeti në vendnumëro dhe gjatë verës u zhvillua vetëm një mbledhje.

LEXONI GJITHASHTU

• Basha bën thirrje për reforma zgjedhore
• Reforma zgjedhore mbetet pezull