Ndreu: Do ketë defekte nëse bashkia kthehet në vend ku jepen rroga e jo shërbime

Kreu i Bashkisë Lezhë, Pjerin Ndreu, në dëgjesën në Komisionin për Reformën Administrativo-Territoriale, tha se mbledhja e të ardhurave në zonat rurale ka qenë shumë e vështirë, ndërsa theksoi se bashkitë kanë pasur borxhe shumë të mëdha.

Ai theksoi se do të ketë defekte bashkia kthehet në vend ku punonjësve u jepen rroga ndërkohë që nuk ka shërbime.

“Nëse strukturën e mbingarkon, duke e kthyer bashkinë në një bashki ku jepen rroga dhe jo shërbime, normalisht që do të ketë defekte. Pra nuk është çështje ndarje parcelash, por çështje menaxhimi”, tha ai.

Më tej shtoi se çështja e të ardhurave është një problem serioz

“Bashkitë janë të vetmet institucione që e kanë ulur borxhin 50%. Unë e kam marrë bashkinë me 4.6 mld lekë të vjetra borxh. Sot është më pak se 1 miliardë. Bashkitë që kanë ulur borxhin do të thotë se kanë performuar në nivele të mira. Ngrihet problematika e mosdhënies së shërbimit në zonat rurale. Nëse organizon punën dhe ngre strukturat arrin”- theksoi ai.

Lexoni gjithashtu: 

• Debat mes deputeteve të PD-së e PS-së në Komisionin e ‘Territoriales’, shkak Veliaj
• Basha bën thirrje për reforma zgjedhore
• Reforma zgjedhore mbetet pezull