Armëpushim në Ukrainë, forcat rebele të mbështetura nga Moska e Kievi ulin armët pas konfliktit 6-vjeçar

Forcat rebele të mbështetura nga Ukraina dhe Rusia në Lindje të Ukrainës kanë nisur një armëpushim “të plotë dhe gjithëpërfshirës”, një veprim që mund të çojë në fundin e një konflikti 6-vjeçar që ka shkaktuar më shumë se 14.000 viktima.

Zyrtarët rebelë u shprehën një ditë më parë se ata udhëzuan trupat e tyre për armëpushimin dhe nxorën një dekret që ndalonte përdorimin e armëve.

Ushtria e Ukrainës tha se forcat e tyre “kanë filluar përgatitjet” për armëpushimin. Nëse armëpushimi respektohet, do të hapte rrugën për zbatimin e klauzolave të tjera të marrëveshjes së paqes të arritur në Minsk.

Ndërmjetësuar në vitin 2015 nga Franca dhe Gjermania, plani i paqes në Minsk synon të zgjidhë konfliktin midis Ukrainës dhe separatistëve të mbështetur nga Rusia që nisi në vitin 2014 pas aneksimit të Krimesë nga Rusia.