“KQZ t’u vendosë sanksione partive”, Gogo: PS të gjobitet me 5 mln lekë të reja

Kryetari i Koalicionit për Reforma Integrim dhe Institucione të Konsoliduara (KRIIK), Premto Gogo, tha se KQZ duhet të vendos sanksione ndaj partive politike, pasi kandidatët për deputet nuk kanë deklaruar paratë që kanë harxhuar për fushatën zgjedhore.

Në një intervistë për Euronews Albania, Gogo theksoi se PS duhet të ndëshkohet me gjobë 5 milionë të reja pasi ka tejkaluar totalin e parave që ka pasur për fushatë.

“Ka shkelje me mos përmbushjen e raporteve deri tek mos raportimi i plotë, i deklarimeve të vërteta. Janë  1800 kandidatë që duhet të dorëzonin një raport për shpenzimet që kanë bërë. 1200 kandidatë nuk e ka dorëzuar që do të thotë duhet të sanksionohen. Kjo është prova e zjarrit që KQZ duhet të penalizojë partitë politike dhe deputetët që janë, ashtu sikurse PS ka tejkaluar me 4 milionë e 500 mijë lekë të reja , totalin e fushatës dhe kjo do të thotë që KQZ duhet ta sanksionojë me 5 milionë lekë të reja”- u shpreh ai.

LEXONI GJITHASHTU: 

• “Maja e ajsbergut”, Gogo: SHBA po vë me shpatulla pas murit partitë politike
• Balla: Janë financuar mediat ruse për të transmetuar live protestat e PD-së