Si ndikojnë skuterët elektrikë në mjedis?

Skuterët elektrikë kanë “pushtuar” shumë qytete në gjithë Evropën.

Sipas përdoruesve, ata janë të lirë, të shpejtë, të këndshëm, praktikë dhe sigurisht elektrikë. Por a janë vërtet të mirë për mjedisin?

Një studim i kryer në Paris tregoi se me 0.6 kilogramë CO2 për dhjetë kilometra, skuterët elektrikë lëshojnë 6herë më shumë dioksid karboni se metroja.

Autorja e raportit Anne de Bortoli, Drejtuese e Kërkimit të Neutralitetit të Karbonit në Politeknikën e Montrealit, nxjerr një përfundim disi negativ mbi ndikimin e skuterëve.

Një gjë është e sigurt, biznesi i tyre po ecën mirë në Evropë me të ardhurat që pritet të rriten çdo vit me rreth 15 për qind deri në vitin 2026. Por do të ndihmojë vërtet në uljen e ndotjes së transportit?

Kjo do të varet kryesisht nga përpjekjet e bëra nga kompanitë e përfshira.

LEXONI GJITHASHTU:

• Prishtina ndalon përdorimin e skuterave dhe biçikletave elektrike në sheshet publike