Potter i bindur nga Broja, sulmuesi mund të fitojë vendin e titullarit tek Çelsi

Armando Broja së shpejti mund të jetë një titullar tek Çelsi, pasi vlerësohet maksimalisht nga tekniku Graham Poter.

Sulmuesi 21-vjeçar është në një formë të mirë, ndërkohë që në epokën Tuhel, minutat kanë qenë me pikatore.

Trajneri i ri i londinezëve është mahnitur nga grinta dhe dëshira që Broja ka dhe mendon se ai përshtatet në mënyrë perfekte me skemat e tij. Seancat stërvitore kanë rezultuar një sukses më vete, duke bindur 47-vjeçarin për t’i dhënë atij një mundësi.

Me afrimin e Obamejang, misioni për titullar tek Çelsi duket më i vështirë, por mediat britanike pohojnë se sulmuesi nga Gaboni do të jetë në plan të dytë.

Lideri aktual i skuadrës është gjermani Kai Haverc, por sërish ky i fundit nuk mund të qëndrojë në majë të sulmit. Në këtë situatë, Armando Broja do të ishte i duhuri për të udhëhequr ofensivën blu.

Në ndeshjen përballë Salzburgut, sulmuesi i talentuar hyri në fushën e lojës në minutën e 66’, por pa mundur të lërë gjurmë. Ai zëvendësoi Obamejangun, me këtë të fundit që nuk e vendosi aspak në rrezik mbrojtjen e Salzburgut.

Ndeshja e radhës për Çelsin e Poter është ajo ndaj Kristal Palas, ndërkohë supersfida me Liverpulin u shty me një afat të pacaktuar.

LEXONI GJITHASHTU

• Partizani me sytë nga Kukësi, Kolela: Pres më tepër nga lojtarët
• Vllaznia pret Kastriotin, Josa: Duhet karakter për të fituar, luhatjet më mërzisin
• Superliga, Dinamo e Kastrioti barazojnë ndaj Teutës dhe Tiranës