Putin: Rusia do të mbrojë sovranitetin e Serbisë

Presidenti rus, Vladimir Putin deklaroi se Moska qëndron për ruajtjen e sovranitetit të Serbisë.

Deklaratën, Putin e dha gjatë ceremonisë së dorëzimit të marrëveshjeve për ambasadorët e vendeve të huaja, shkruan Euronews Serbia.

Udhëheqësi rus iu referua Rezolutës 1244 të Këshillit të Sigurimit të OKB-së, duke premtuar se do t’u sigurojë ndihmë miqve serbë në mbrojtjen e pavarësisë, si dhe të integritetit territorial dhe interesave shtetërore të vendit.

Ai njoftoi gjithashtu thellimin e bashkëpunimit me Serbinë.

“Në kuadrin e së drejtës ndërkombëtare, duke u mbështetur mbi të gjitha në Rezolutën 1244 të Këshillit të Sigurimit të OKB-së, ne do të vazhdojmë të ofrojmë mbështetje gjithëpërfshirëse për miqtë tanë serbë në ruajtjen e të drejtave dhe interesave legjitime të Serbisë, mbrojtjen e sovranitetit shtetëror dhe integritetit territorial të saj” tha Putin.

LEXONI GJITHASHTU

• Putini më ka thënë se është i gatshëm t’i japë fund luftës, thotë Erdogan
• Putin do gëzohej nëse do kishte konflikt në Ballkan, thotë Rama