Abazoviç shkon me biçikletë në seancën e Asamblesë së Përgjithshme të OKB-së

Kryeministri i Malit të Zi, Dritan Abazoviç, ka shkuar me biçikletë në hapjen e Asamblesë së Përgjithshme të Kombeve të Bashkuara në Nju Jork.

Siç shihet në fotot e publikuara nga vetë ai në rrjetet sociale, atë e kanë shoqëruar dhe kolegët të cilët kanë lëvizur me biçikletë.

“Duke ecur me biçikletë për në OKB, për të vënë dukje rëndësinë e mbrojtjes së mjedisit dhe promovimin e ndërgjegjësimit për mjedisin”- ka shkruar Abazoviç krahas fotove të postuara në Twitter.

Sakaq në njoftimin e Qeverisë së Malit të Zi, thuhet se Abazoviç, me lëvizjen e tij simbolike ka dashur të theksoj rëndësinë e mbrojtjes së mjedisit dhe domosdoshmërinë e zhvillimit dhe promovimit të vetëdijes ekologjike në botën moderne.

Riding a bike to the @UN HQ… Pointing out to the importance of environmental protection and promoting eco-awareness. Celebrating day of the ecological state of Montenegro – unique in the world. 🇲🇪🇺🇳 pic.twitter.com/6oj3CldoAk

— Dr Dritan Abazovic (@DritanAbazovic) September 20, 2022

Këtë javë liderët e gjithë vendeve të botës do të bëhen pjesë e diskutimeve në sesionin e 77-të të Asamblesë së Përgjithshme të Kombeve të Bashkuara.

LEXONI GJITHASHTU:

• Vuçiç takohet me Ramën në OKB: Një përshëndetje e shkurtër me mikun tim
• FOTO/ Afër Vuçiç e larg Vjosa Osmanit, Rama me kryeministrat e Ballkanit