Protesta në Bjellorusi, Lukashenko kërkon mandatin e 6-të

Rreth 25 mijë njerëz morën pjesë në një nga protestat më të mëdha të zhvilluar në kryeqytetin e Bjellorusisë, e cilësuar më  masivja pas ndarjes nga Bashkimi Sovjetik.

Kjo protestë u zhvillua për të mbështetur kandidaten presidenciale të opozitës, Svetlana Tikhanovskaya, në zgjedhjet që zhvillohen më 9 gusht.

“Autoritetet vijojnë të flasin për revolucion. O zot cfarë revolucioni? Ne thjesht duam zgjedhje të drejta.  Cfarë ka të bëjë revolucioni me këtë cështje?  Përse I provokoni njerëzit tuaj në këtë formë? Ne nuk jemi të interesuar për militant. Ne jemi njerëz paqësor, dhe duam ndryshime paqësore per vendin tonë”, tha kandidatja Svetlana Tikhanovskaya:

Presidenti Alexander Lukashenko po bën fushatë për të qëndruar në këtë detyrë për një mandate të 6-të.

Tashmë ai po përballet me protesta të nxitura nga kriza ekonomike e shkaktuar nga pandemia.

 Nga ana tjetër edhe Dhe marrëdhënia e tij me Rusinë po tensionohet, pas arrestimit të 33 qytetarëve rusë.

Autoritetet bjelloruse i akuzojnë për komplot për sulme terroriste përpara zgjedhjeve presidenciale të 9 gushtit – një pretendim që Moska e mohon.