16-vjeçari gjen portofolin me 6 mijë € dhe e dorëzon: Dua t’i fitoj paratë me djersë

16-vjeçari Erind Shkambaj nga Shkodra është bërë i njohur brenda disa orëve në rrjetet sociale pas gjestit të tij të pazakontë; ai gjeti një portofol brenda të cilit kishte 6 mijë euro, të cilin e dorëzoi në polici.

Në emisionin “Goodmorning Albanians”, ai tregoi se pasi e kishte gjetur në rrugë, kishte pritur 30 minuta për të zotin e portofolit përpara se të shkonte në polici.

Adoleshenti u shpreh se nuk kishte hezituar për asnjë moment t’i dorëzonte paratë, pasi siç tha, familja e ka edukuar se e vetmja para që vlen është ajo që fitohet me djersë.

“Atë lek se kemi qejf si familje, kemi qejf vetëm lekun që vjen nga djersa jonë”, tha adoleshenti.

Ai rrëfeu se kur kishte shkuar në polici të dorëzonte portofolin, efektivët ishin shokuar nga gjesti dhe shuma e parave që gjendeshin brenda tij.

Portofoli i përkiste një shtetasi italian i cili i kishte ofruar 16-vjeçarit një shpërblim prej 100 eurosh për gjestin fisnik.

LEXONI GJITHASHTU:

• 16-vjeçari që nisi cigaren dhe alkoolin që të mos e bullizonin shokët
• Kampionët e shahut, 16-vjeçarja zë vendin e parë në garën mes vajzave